ხაშური-ბორჯომის საავტომობილო მაგისტრალზე რამდენიმე წუთის წინ ავტოსაგზაო შემთხვევა მოხდა. მომხდარის შედეგად სამი ადამიანი დაშავდა.
გავრცელებული ინფორმაციით, თბილისიდან ბორჯომის მიმართულებით მოძრავი ,,ბე-ემ-ვე”-ს მარკის ავტომანქანა საპირისპირო მიმართულებით გზის სავალი ნაწილიდან გადავიდა და ხეს შეეჯახა. ავტომობილის მძღოლმა და ორმა მგზავრმა სხეულის სხვადასხვა ხარისხის დაზიანებები მიიღო.
ამ წუთებში, მეხანძრე-მაშველები, სპეციალური ხელსაწყოების დახმარებით, სატრანსპორტო საშუალების მძღოლის გადმოყვანას ცდილობენ.
